DÜNYA


Ərəb ölkələri Qətərdən terrorizmi dəstəkləməməyi tələb edirlər

Abu-Dabi, 20 iyul, AZƏRTAC

Birləşmiş Ərəb Əmirlikləri (BƏƏ), Səudiyyə Ərəbistanı, Misir və Bəhreyn diplomatları Nyu-Yorkda birgə mətbuat konfransında bəyan ediblər ki, Qətərlə bağlı hər hansı vasitəçilik iyulun 5-də Qahirədə bu dörd ərəb ölkəsinin xarici işlər nazirləri tərəfindən bəyənilmiş 6 tələbdən ibarət sənədə əsaslanmalıdır.

BƏƏ-nin WAM dövlət informasiya agentliyi xəbər verir ki, siyahıya ekstremizmə və terrorizmə qarşı mübarizənin dəstəklənməsi, təhrikçilikdən, dözümsüzlük və zorakılıq çağırışlarından imtina edilməsi, İran Körfəzi Ərəb Dövlətlərinin Əməkdaşlıq Şurası çərçivəsində imzalanmış 2013-cü və 2014-cü illər sazişlərinə, Ər-Riyadda ərəb ölkələri-ABŞ sammitinin bütün yekunlarına əməl olunması, daxili işlərə müdaxilədən və qanunsuz birləşmələri dəstəkləməkdən imtina olunması, habelə terrorizmə və ekstremizmə qarşı mübarizədə məsuliyyət prinsipinə bütün beynəlxalq birlik ölkələri tərəfindən riayət olunması kimi tələblər daxildir.

Ərəb ölkələrinin nümayəndələri onu da vurğulayıblar ki, Doha iyunun əvvəlində irəli sürülmüş ilkin tələblərə cavab vermək üçün heç bir ciddi addım atmayıb.

Asya Hacızadə

AZƏRTAC-ın xüsusi müxbiri

Abu-Dabi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.