DÜNYA


Arizonada qəfil daşqın 9 nəfərin həyatına son qoyub

Bakı, 17 iyul, AZƏRTAC

ABŞ-ın cənub-qərbində yerləşən Arizona ştatında daşqın nəticəsində azı 9 nəfər, o cümlədən 6 uşaq həlak olub, bir nəfər itkin düşüb. Bu barədə məlumatı The New York Times qəzeti yayıb.

AZƏRTAC varici KİV-lərə istinadla xəbər verir ki, iyulun 15-də Verde çayında çimən bir qrup insanı daşqın qəfil yaxalayıb. Yağışsız bir havada suyun səviyyəsi gözlənilmədən qalxıb və 14 nəfər sahilə yetişə bilməyib. Axtarış-xilasetmə əməliyyatları zamanı 9 nəfərin cəsədi tapılıb, dörd nəfər xilas edilib. Bu gün səhər xilasedicilər itkin düşmüş 13 yaşlı oğlanın axtarışını davam etdirəcəklər.

Qəzetə məlumat verən polis nümayəndəsinin sözlərinə görə, meteoroloji xidmətlər ştatda mümkün qəfil daşqınlar ola biləcəyinə dair xəbərdarlıq yaymışdılar. Lakin hadisənin baş verdiyi ərazi ehtimal olunan təhlükə zonasından uzaqda yerləşirdi.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.