İDMAN


Arsen Venqer İngiltərə yığmasının sükanı arxasına keçə bilər

A+ A

Bakı, 30 sentyabr, AZƏRTAC

“Arsenal” futbol klubunun baş məşqçisi Arsen Venqer İngiltərə yığma komandasının sükanı arxasına keçə bilər.

AZƏRTAC xəbər verir ki, fransalı mütəxəssis özü bu barədə Britaniyanın “Sun” qəzetinə açıqlamasında deyib: “Klubda işi mükəmməl görmək mənim prioritetimdir. Əgər buna vaxtım olsa, milli ilə işləmək haqda da düşünə bilərəm. Ancaq hazırda bütün diqqətimi klubdakı fəaliyyətimə yönəltmişəm”.

Onun “topçular”la müqavilə müddəti 2017-ci ilin yayında başa çatacaq. A.Venqer 1996-cı ildən bu kluba rəhbərlik edir. İyirmi il ərzində o, komandasına üçqat İngiltərə çempionluğunu, altıqat ölkə kuboku və altıqat Superkuboku qazandırıb. Çalışdırıcı üç dəfə İngiltərə Premyer Liqasında ilin məşqçisi (1998, 2002, 2004), Avropada isə eyni ada dörd dəfə (2000, 2002, 2003, 2004) yiyələnib.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.