DÜNYA


Asiya İnfrastruktur İnvestisiyaları Bankına daha yeddi yeni üzv qəbul edilib

Tokio, 14 may, AZƏRTAC 

Çinin aparıcı rol oynadığı Asiya İnfrastruktur İnvestisiyaları Bankı (AİİB) bildirib ki, quruma yeddi yeni üzv qəbul edilib. Hazırda onun sıralarında 77 ölkə və ərazi birləşib.

Üzvlərin sayına görə AİİB özündə 67 ölkə və ərazini birləşdirən, Yaponiya və ABŞ-ın rəhbərlik etdiyi Asiya İnkişaf Bankını ötüb.

AİİB-in prezidenti Çzin Liçyun Çili prezidenti Mişel Baçelet ilə birlikdə mayın 13-də keçirdiyi mətbuat konfransında Çili və Yunanıstan da daxil olmaqla, yeni üzvləri elan edib.

Çzin Liçyun deyib ki, Afrika, Avropa, Cənubi Amerika ölkələri də daxil olmaqla, Asiyadan yeni üzvlərin qəbulu bankın missiyasına böyük maraq olduğunu təsdiqləyir.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.