DÜNYA


Asiya İnkişaf Bankı iqlim dəyişmələrinin Asiyada inkişafa mənfi təsir edəcəyini bildirir

Tokio, 15 iyul, AZƏRTAC 

Asiya İnkişaf Bankı xəbərdarlıq edib ki, iqlim dəyişmələrinin davam etməsi Asiya və Okeaniyada dağıdıcı nəticələri gətirib çıxara bilər.

Bankın iyulun 14-də dərc etdiyi hesabatda qeyd edilir ki, mövcud vəziyyət davam edərsə, əsrin sonunadək Asiyada temperaturun altı dərəcə artacağı gözlənilir. Nəticədə Cənub-Şərqi Asiyanın bir çox ölkələrində düyü məhsulu 50 faizədək azala, bu da kəskin ərzaq çatışmazlığına gətirib çıxara bilər.

Bundan əlavə, 2050-ci ilədək daşqınlar və digər təbii fəlakətlərin 2005-ci illə müqayisədə doqquz dəfə artacağı və nəticədə dəyən zərərin 52 milyard dollara çatacağı gözlənilir.

Eyni zamanda, 2050-ci ilədək daşqınlardan daha böyük zərər çəkən 20 şəhərdən 13-nün də Asiya-Sakit okean regionunda yerləşəcəyi bildirilir. Həmin siyahıya Banqkok, Çinin cənubunda yerləşən Quançjou və Yaponiyanın mərkəzindəki Naqoya şəhərləri daxildir.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.