REGİONLAR


Astarada mal-qara dabaq xəstəliyinə qarşı peyvənd olunur

Astara, 7 iyun, Bağır Əliyev, AZƏRTAC

Astara rayonunda mal-qara arasında yayıla biləcək dabaq xəstəliyinin qarşısını almaq məqsədilə peyvənd kampaniyasına başlanılıb.

AZƏRTAC xəbər verir ki, iyunun sonuna qədər rayonda 26 min başa yaxın mal-qaranın peyvənd olunması nəzərdə tutulub.

Astara Rayon Baytarlıq İdarəsi tərəfindən peyvəndləmə işlərinə rayonda fəaliyyət göstərən 11 baytarlıq məntəqəsi üzrə 21 baytar həkim cəlb olunub.

Mütəxəssislərin fikrincə, dabaq xəstəliyinə yoluxan heyvanlar yemdən kəsilməklə yanaşı, onların məhsuldarlıqları da aşağı düşür. Rayonda heyvanlar arasında yayıla biləcək digər xəstəliklərə qarşı da peyvənd işləri aparılıb.

Heyvandarlıq təsərrüfatlarında hələlik hər hansı yoluxucu xəstəlik aşkarlanmayıb.

Qeyd edək ki, Astara rayonunda 42 min 626 baş iribuynuzlu, 25 min 550 baş davar var.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.