İQTİSADİYYAT


“AtaTexnologiya”nın yeni “HRM360” proqram təminatının təqdimatı keçirilib

Bakı, 19 dekabr, AZƏRTAC

Dekabrın 19-da “AtaTexnologiya” MMC-nin yeni “HRM360” proqram təminatına həsr edilmiş tədbir keçirilib.

AZƏRTAC xəbər verir ki, şirkətin layihələr departamentinin direktoru Cahangir Qənizadə iştirakçıları “HRM360” proqram təminatının işi, texniki və unikal imkanları ilə tanış edib. Bildirilib ki, proqram “AtaTexnologiya” şirkətinin mütəxəssisləri tərəfindən insan resursları sahəsində tətbiq etmək üçün 2016-cı ildə yaradılıb. Proqram HR menecerlər və personalın seçimi üzrə mütəxəssislər tərəfindən istifadə üçün nəzərdə tutulub. “HRM360” proqram təminatı kargüzarlığı əvəz edir və xidmətlərin effektivliyini yüksəldir. Qanunvericiliyə tam uyğun olan proqramda Azərbaycan Respublikası qanunlarına müvafiq olaraq rüblük, illik hesabatların dövlət elektron portalına təhvil verilməsi imkanı nəzərdə tutulub. Qanunvericilik dəyişdiyi zaman proqrama da müvafiq dəyişikliklər edilir. Proqramda tətbiq edilən yeniliklərdən biri SMS bildirişin köməyi ilə müəyyən əlamətdar tarixlərin, məsələn, müqavilənin, məzuniyyətin, ad günlərinin və s. xatırlatma mexanizminin olmasıdır.

Proqram təminatına müxtəlif dillərdən istifadə imkanı verildiyi üçün onu dünyanın istənilən ölkəsinə ixrac etməyə, qabaqcadan isə onu milli qanunvericiliyə adaptasiya etməyə imkan verir. “HRM360” proqramının həm ölkəmizdə, həm də xarici ölkələrdə tətbiqi üçün böyük imkanlar vardır. Hazırda proqram Azərbaycan, ingilis və rus dillərində fəaliyyət göstərir. Lakin proqram təminatı işlənib hazırlanarkən proqramda digər dillərdən də istifadə imkanı yaradılıb. Bu, onu dünyanın istənilən ölkəsinə ixrac etməyə, qabaqcadan milli qanunvericiliyə adaptasiya etməyə imkan verir.

Proqram bütün mümkün fəaliyyət sahələrində istənilən kommersiya strukturunun HR üzrə qarşılıqlı əlaqəsini təmin edir. İşəgötürənlə işçinin qarşılıqlı münasibətlərinin tam şəffaflığı təmin olunur və HR menecerin iş vaxtına qənaət edilir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.