İDMAN


Atçılıq idmanı üzrə Bakı çempionatının qalibləri müəyyənləşib

A+ A

Bakı, 23 sentyabr, AZƏRTAC

Bakı Cıdır Meydanında atçılıq idmanı üzrə Bakı çempionatının qalibləri müəyyənləşib.

Bakı Şəhər Gənclər və İdman Baş İdarəsindən AZƏRTAC-a bildiriblər ki, baş hakim İradə Heydərovanın rəhbərliyi ilə yarışlar 100–120 və 120–140 santimetr hündürlüyə tullanmaqla maneələrin dəf olunması üzrə keçirilib.

Yarışlarda 20 idmançı 11 atla iştirak edib. 100–120 santimetr hündürlüyə tullanma üzrə yarışda Səməd Əliverdiyev “Hollywood IV” ləqəbli atla birinci, Kənan Əhmədov “Bəyazit” ləqəbli atla ikinci, Həzrət Salayev “Voltram” ləqəbli atla üçüncü olub. Həzrət Salayev “Voltram” ləqəbli atla 120–140 santimetr hündürlüyə tullanma üzrə yarışı birinci, Cavidan Qəhrəmanlı “Rodriqo” ləqəbli atla ikinci, Ramil İbrahimov isə “Samur” ləqəbli atla üçüncü pillədə başa vurub.

Qaliblər Baş İdarə tərəfindən müvafiq dərəcəli diplomlar və medallarla təltif olunublar.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.