İDMAN
Avrokubok yarışlarının son turunda “SOCAR Azerbaijan” komandasının rəqibi Rusiya klubu olacaq
AZƏRTAC xəbər verir ki, kişilərin turnirində Azərbaycanın “SOCAR Azerbaijan” və Rusiyanın “SPB” klubları arasında qarşılama bu yarışın mərkəzi matçı olacaq. Azərbaycanın ikinci klubu “Odlar Yurdu” Hollandiyanın “En Passant” komandası ilə görüşəcək.
Yeddinci turun “SOCAR Azerbaijan” – “SPB” matçında komandaların tərkibləri belədir: Veselin Topalov - Pyotr Svidler, Aniş Giri - Lenyer Dominqes, Teymur Rəcəbov - Nikita Vityuqov, Van Hao - Serqey Movsesyan, Anton Korobov - Maksim Matlakov, Eltac Səfərli - Zaxar Yefimenko.
“Odlar Yurdu” – “En Passant” matçında aşağıdakı cütlüklər oynayacaqlar: Vasif Durarbəyli - Friso Niboyer, Rauf Məmmədov - Manuel Bosbom, Ülvi Bacarani - Henk Veder, Qədir Hüseynov - Jao Qin Penq, Nicat Abbasov - Rixard Veder, Nicat Məmmədov - Dirk De Qraf.
Son tur qarşısında 12 mümkün komanda xalından 12 xal yığmış “SOCAR Azerbaijan” irəlidədir. “G-Team Novy Bor” (Çexiya) və “SHSM Nashe Nasledie” (Rusiya) liderdən iki xal geri qalır. “Odlar Yurdu”-nun 8 xalı var.
Qadınların yarışında “12 mümkün komanda xalından 12 xal yığmış Nona” komandası (Batumi) finişə bir tur qalmış qadınlar arasında Avropa Klubları Kubokunu qazanıb.