DÜNYA


Avropa Almaniyanın sabiq kansleri Helmut Kolla vidalaşır

Bakı, 1 iyul, AZƏRTAC

AFR-in sabiq kansleri, birləşmiş Almaniyanın ilk başçısı Helmut Kolla rəsmi ümumavropa vida mərasimi Avropa Parlamentinin Strasburq şəhərindəki binasında keçirilir.

AZƏRTAC TASS informasiya agentliyinə istinadla xəbər verir ki, vida mərasimi Avropa Şurası, Avropa Komissiyası və Avropa Parlamentinin təşəbbüsü ilə təşkil olunub. Mərasimdə dünyanın müxtəlif ölkələrindən və təşkilatlarından 40 nümayəndə heyəti iştirak edir.

Vida mərasimindən sonra mərhumun cənazəsi Almaniyanın Şpayer şəhərinə aparılacaq. Orada Şpayer İmperiya Kilsəsində yas mərasimi keçiriləcək və bundan sonra kanslerin nəşi şəhər qəbiristanlığında torpağa tapşırılacaq.

Xatırladaq ki, Helmut Kol rekord 16 il müddətində - 1982-1998-ci illərdə AFR-in kansleri postunu tutub, 1990-cı ildə birləşmiş Almaniyanın ilk rəhbəri olub. O, bu il iyunun 16-da 87 yaşında vəfat edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.