İDMAN


Avropa Atıcılıq Federasiyasının bayrağı Macarıstana təqdim olunub

Bakı, 3 avqust, AZƏRTAC

Bakıda keçirilən atıcılıq üzrə Avropa çempionatına yekun vurulub.

AZƏRTAC xəbər verir ki, yarışların son günündə Avropa Atıcılıq Konfederasiyasının texniki nümayəndəsi Villi Qril deyib: “Bir aya yaxındır Bakıdayıq. Ötən müddətdə burada yaxşı dostluq əlaqələri qurduq. Bu il artıq üçüncü dəfədir Azərbaycandayıq. Qəbələdə keçirilən dünya çempionatı, IV İslam Həmrəyliyi Oyunları və Avropa çempionatı çox yüksək səviyyədə təşkil olunmuşdur”.

Azərbaycan Atıcılıq Federasiyasının baş katibi Emin Cəfərov çempionatın ərsəyə gəlməsində əməyi olan hər kəsə minnətdarlığını bildirib. O qeyd edib ki, çempionatın yüksək səviyyədə təşkili üçün bütün kollektiv səylə çalışıb.

Daha sonra Azərbaycan Atıcılıq Federasiyasının işçilərinə və yarışlarda əməyi keçənlərə diplomlar təqdim olunub.

Tədbirin sonunda Avropa Atıcılıq Federasiyasının bayrağı 2018-ci ildə çempionatın keçiriləcəyi Macarıstan Atıcılıq Federasiyasının nümayəndəsinə təqdim edilib.

Qeyd edək ki, Bakıda Avropa çempionatının keçirildiyi 13 gün ərzində 79 dəst medal qazanılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.