DÜNYA


Avropa İttifaqı “vergi inqilabına” başlayır

A+ A

Bakı, 1 dekabr, AZƏRTAC

Avropa Komissiyasının “vergi şəffaflığı sahəsində hazırladığı inqilab” vergilərin ödənilməsindən yayınmaya qarşı təsirli mübarizə aparmağa şərait yaradacaq.

AZƏRTAC “vergilər.az” saytına istinadla bildirir ki, bunu Vergi məsələləri üzrə Avropa komissarı Pyer Moskovisi Avropanın gələcəyi mövzusuna həsr edilmiş sammitdəki nitqində bəyan edib.

Komissarın sözlərinə görə, “Lüksemburq sızıntısı”, “Panama sənədləri” və “Baham sızıntısı” kimi hadisələr Avropa Komissiyasını həlledici addımlar atmağa vadar edib.

P.Moskovisi əlavə edib ki, Avropa İttifaqı ölkələri tezliklə bank sirrindən imtina edəcəklər, şirkətlər isə vergi dərəcəsini azaltmaq və ümumiyyətlə vergi ödəməkdən yayınmaq üçün sərhədləri manipulyasiya etmək imkanından məhrum olunacaqlar.

Həmçinin Avropa Komissiyası “vergi limanları” hesab olunan ölkələrə təsir göstərmək üçün onların “qara siyahısını” açıqlayacaq.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.