DÜNYA


Avropa Komissiyasının prezidenti növbəti müddət üçün namizədliyini irəli sürməyəcək

A+ A

Vyana, 12 fevral, AZƏRTAC

Avropa Komissiyasının prezidenti Jan-Klod Yunker növbəti müddət üçün prezidentliyə namizədliyini irəli sürməyəcək. O bu məlumatı “Deutschlandfunk” radiosuna müsahibəsində təsdiqləyib.

Prezident müsahibədə, həmçinin “Brexit” danışıqlarında Avropa İttifaqı ölkələrinin vahid mövqe nümayiş etdirəcəklərinə şübhə ilə yanaşdığını da deyib. O bildirib ki, daha çox Böyük Britaniyanın böyük əziyyət çəkmədən danışıqlarda digər 27 üzv dövlət arasında pərakəndəlik salacağından, hər bir dövlətə fərqli vədlər verəcəyindən ehtiyatlanır.

Yunker onu narahat edən məqamlar sırasında, eyni zamanda, Avropada hələ həyata keçirilməli işlər barədə vahid fikir və ümumi razılığın olmadığını qeyd edib: “Bəzi ölkələr daha çox Avropa tələb etdikləri halda, digər ölkələr daha çox Avropadan narahatdırlar”.

Lüksemburqlu siyasətçi bu vəzifənin icrasına 2014-cü ilin noyabr ayında başlayıb və səlahiyyət müddəti 2019-cu ilin sonunda bitir.

Elgün Niftəli

AZƏRTAC-ın xüsusi müxbiri

Vyana

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.