SİYASƏT


Avropalı deputatlar qaçqınların şəraitini yaxşılaşdırmaq üçün hökumətlərini Suriyanın qonşularına yardım göstərməyə çağırmalıdırlar

Strasburq, 26 yanvar, AZƏRTAC

Avropa Şurası Parlament Assambleyasının qış sessiyasında “Suriyada vəziyyət və onun qonşu ölkələrə təsirləri” hesabatı çərçivəsində aparılan cari müzakirələrdə iştirak edən qurumun miqrasiya, məcburi köçkünlər və qaçqınlar komitəsinin sədri Sahibə Qafarova hesabatla bağlı rəhbərlik etdiyi komitənin mövqeyini bildirib. O, Suriya münaqişəsinin qonşu ölkələrin iqtisadi, maliyyə və sosial sahələrinə göstərdiyi mənfi təsirlərdən danışıb. Qərb ölkələrində nicat axtaran qaçqınların Aralıq dənizi hövzəsində üzləşdikləri faciələrdən söz açıb. Deputat Türkiyənin suriyalı qaçqınlarla bağlı üzləşdiyi çətinlikləri də qeyd edib.

AŞPA-nın komitə sədri Aralıq dənizi hövzəsində bundan sonra qaçqın ölümü ilə üzləşməmək üçün avropalı parlamentariləri hökumətlərini qaçqınların şəraitini yaxşılaşdırmaq üçün Suriyaya qonşu olan ölkələrə maliyyə yardımı göstərməyə çağırmağın əhəmiyyətinə toxunub.

Şəhla Ağalarova

AZƏRTAC-ın xüsusi müxbiri

Strasburq

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.