DÜNYA


Avstraliya Filippinin cənubundakı yaraqlılara qarşı mübarizədə bu ölkəyə yardım edəcək

Tokio, 24 iyun, AZƏRTAC 

Avstraliya hökuməti Filippinin cənubundakı yaraqlılarla mübarizəyə yardım etmək üçün bu ölkəyə iki ədəd AP-3C Orion kəşfiyyat təyyarəsi ayıracaq.

AZƏRTAC xəbər verir ki, Avstraliyanın müdafiə naziri Mariz Peyn Filippin hökumətinin rəsmi Kamberranın bu təklifə razılıq verdiyini bildirib.

M.Peyn deyib ki, terrorçular, xüsusən də İŞİD yaraqlıları tərəfindən regional təhlükə Avstraliyanın maraqlarına birbaşa təhdiddir.

Filippinin müdafiə naziri Delfin Lorenzana isə bəyan edib ki, ölkə prezidenti Rodriqo Duterte Avstraliyanın texniki yardımını qəbul etməyə razılıq verib. Nazir əlavə edib ki, AP-3C Orion təyyarələrinin iştirakı ilə kampaniya iki ölkənin hərbçiləri arasında məsələnin detalları razılaşdırılan kimi başlayacaq.

D.Lorenzana əlavə edib ki, Filippin AP-3C Orion təyyarələrinin köməyi ilə günün istənilən saatında regiona nəzarət etmək imkanı əldə edəcək. Bu isə hərbi əməliyyatların səmərəliliyini artıracaq.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.