DÜNYA


Avtobusa hücum edən “taliblər” 7 dinc sakini öldürüblər

Bakı, 12 iyul, AZƏRTAC

“Taliban” hərəkatının yaraqlıları Əfqanıstanının qərbindəki Fərah vilayətində sərnişin avtobusunu dayandıraraq 7 dinc sakini öldürüblər.

AZƏRTAC xəbər verir ki, Tolo News telekanalının yerli hakimiyyət orqanlarına istinadla yaydığı məlumata görə, yaraqlılar Fərah və Herat şəhərlərini birləşdirən avtomobil yolunda nəqliyyatın hərəkətini bir müddət blokadaya alıblar. Sonradan yolu açmağa nail olan güc strukturları əməliyyatın gedişində azı on yaraqlını məhv ediblər.

Son vaxtlar Əfqanıstanda vəziyyət xeyli gərginləşib. Əvvəllər kənd rayonlarında geniş ərazilər ələ keçirən “Taliban” hərəkatının yaraqlıları hazırda böyük şəhərlərə hücumlara başlayıblar. Ölkə ərazisində İŞİD terror qruplaşmasının təsiri də güclənməkdədir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.