ELM VƏ TƏHSİL


Avtomatlaşdırma nəticəsində bəzi peşələr ixtisara düşəcək

Bakı, 19 iyul, AZƏRTAC

“Bloomberg” agentliyi tərəfindən aparılan araşdırmaların nəticələrinə görə, gələcəkdə avtomatlaşdırma səbəbindən bəzi peşələr ixtisara düşəcək. Dəyişikliklərin əsasən xidmət sahələrinə aid olacağı ehtimal edilir. Araşdırmalara əsasən, alış-veriş, nəşriyyat, sığorta sahələrinin işçiləri, həmçinin süpürgəçi və masa qulluqçuları, eləcə də manikür və pedikürlə məşğul olan, kimyəvi təmizləmə və camaşırxanalarda çalışan az gəlirli peşə sahibləri gələcəkdə robotlarla daha çox əvəz oluna bilər.

AZƏRTAC “Bloomberg” agentliyinə istinadla xəbər verir ki, elmi dərəcələri olan mütəxəssislərin, o cümlədən fiziklər, mühəndislər və müxtəlif ixtisaslı həkimlərin robotlarla əvəzlənməsi ehtimalı daha azdır.

Oksford Universitetinin alimlərinin hesablamalarına görə, ABŞ-da iş yerlərinin təxminən yarısı ixtisara düşə bilər. İngiltərə Bankının proqnozlarına əsasən, avtomatlaşdırma nəticəsində Böyük Britaniyada 15 milyon iş yeri ləğv oluna bilər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.