İDMAN


Azər Mirzəyev şahmat festivalının vitse-çempionu oldu

Bakı, 3 iyul, AZƏRTAC

Azərbaycan qrossmeysteri Azər Mirzəyev Çexiyanın Çeske Budeyovitse şəhərində keçirilən beynəlxalq şahmat festivalının vitse-çempionu oldu.

AZƏRTAC xəbər verir ki, şahmat festivalında 71 şahmatçı, o cümlədən səkkiz qrossmeyster iştirak edib. Festivalın proqramına qrossmeyster balı hesab edilən normada turnir və iki open turnir daxil olub.

Sonuncu – doqquzuncu turda qara fiqurlarla oynayan Azər Mirzəyev 5,5 xal toplayaraq yerli şahmatçı Yan Krejçi ilə görüşü heç-heçə qurtarıb. Ukraynalı Sergey Ovseyeviç və polyak Kasper Drozdovski dairəvi sistemdə keçirilən yarışı eyni göstərici ilə başa vurublar. Azərbaycan qrossmeysteri əlavə göstəricilərə görə gümüş medala layiq görülüb. Qızıl medalı isə Ukrayna təmsilçisi qazanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.