İDMAN


Azərbaycan Avtomobil Federasiyası Dövlət Bayrağı Günü münasibətilə klassik avtomobillərin paradını və sərgisini keçirəcək

A+ A

Bakı, 7 noyabr, AZƏRTAC 

Azərbaycan Avtomobil Federasiyası (AAF) noyabrın 9-da Dövlət Bayrağı Günü münasibətilə klassik avtomobillərin paradını təşkil edəcək.

AAF-dan AZƏRTAC-a bildiriblər ki, bununla əlaqədar federasiya klassik avtomobil sahiblərini parada iştirakçı kimi dəvət edir. 1980-ci ilədək istehsal olunan klassik avtomobillərin sahibləri noyabrın 8-i saat 19:00-dək Azərbaycan Avtomobil Federasiyasında qeydiyyatdan keçə bilərlər.

İştirak etmək istəyənlərdən qeydiyyat üçün Azərbaycan Avtomobil Federasiyası ilə əlaqə saxlamaları xahiş olunur (Telefon: (012) 505-60-03 və ya (050) 295-01-00; elektron poçt ünvanı: [email protected]).

Qeydiyyatdan keçən avtomobillər noyabrın 9-da saat 09:00-da Heydər Əliyev Mərkəzinin qarşısında olmalıdır.

Heydər Əliyev Mərkəzinin qarşısından start götürəcək avtomobillər Bakı şəhərində dövrə vuraraq yürüşü Dövlət Bayrağı Meydanınadək davam etdirəcək.

Dövlət Bayrağı Meydanında, həmçinin yürüşdə iştirak edən klassik avtomobillərin sərgisi olacaq.

Azərbaycan Avtomobil Federasiyası və Dövlət Bayrağı Meydanı hər kəsi noyabrın 9-da saat 12:00-dan 16:00-dək klassik avtomobillərin sərgisinə dəvət edir. Sərgiyə giriş sərbəstdir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.