ELM VƏ TƏHSİL


Azərbaycan Dillər Universitetində “Cambridge English” imtahanları keçiriləcək

Bakı, 8 dekabr, AZƏRTAC

Dekabrın 8-də Azərbaycan Dillər Universitetinin (ADU) tədris işləri üzrə prorektoru, professor Əfqan Abdullayev Şərqi və Mərkəzi Avropa üzrə Kembric Universitetinin regional meneceri Anna Qorizontova ilə görüşüb.

ADU-dan AZƏRTAC-a bildirilib ki, görüş “Cambridge English” imtahanlarının ADU-da hazırlanmasını və keçirilməsini təmin etmək məqsədilə təşkil olunub.

Tədbirdə universitetin pedaqoji fakültəsi üzrə müəllimləri “Cambridge TKT” (Teaching Knowledge Test) imtahanına cəlb edərək onların ingilis dili səviyyəsini yoxlamaq və beynəlxalq sertifkatlarla təltif etmək barədə fikir mübadiləsi aparılıb.

Qeyd edək ki, ingilis dilinin yoxlanılması ilə bağlı yüzillik təcrübəyə malik olan “Cambridge English”in imtahanlarına hər il beş milyondan çox insan qatılır, onlara verilən sertifikatlar dünyanın iyirmi mindən çox təşkilatı tərəfindən tanınır.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.