Azərbaycan Dövlət Gənc Tamaşaçılar Teatrından həftəsonu maraqlı tamaşalar...
Bakı, 28 noyabr, AZƏRTAC
Həftəsonu Azərbaycan Dövlət Gənc Tamaşaçılar Teatrı kiçik və böyük yaşlı tamaşaçıları üçün maraqlı, bir-birindən rəngarəng və məzmunlu tamaşalar təqdim edəcək.
Teatrdan AZƏRTAC-a bildirilib ki, dekabrın 2-də məktəblilər üçün Y.Şvartsın “Qırmızıpapaq”, dekabrın 3-də Abdulla Şaiqin “Danışan gəlincik” tamaşaları nümayiş olunacaq.
Kollektiv dekabrın 2-də İlyas Əfəndiyevin “Məhv olmuş gündəliklər”, dekabrın 3-də isə U.Şeksprin “III Riçard” əsərləri ilə öz tamaşaçılarını sevindirəcək.
Tamaşalarda əsas obrazları teatrın tanınmış və istedadlı aktyorları Əməkdar artistlər Elşən Rüstəmov, Nofəl Vəliyev, Şövqi Hüseynov, Leyli Vəliyeva, Gülər Nəbiyeva, aktyorlar Günel Məmmədova, Müşfiq Əliyev, Venera Abbasova və başqaları ifa edəcəklər.
Bölmənin digər xəbərləri
