ELM VƏ TƏHSİL


Azərbaycan Dövlət Neft və Sənaye Universitetində Lazer Mərkəzi açılıb

Bakı, 16 iyun, AZƏRTAC

İyunun 16-da Azərbaycan Dövlət Neft və Sənaye Universitetində (ADNSU) Lazer Mərkəzinin açılışı olub.

AZƏRTAC xəbər verir ki, təhsil naziri Mikayıl Cabbarovun, nəqliyyat, rabitə və yüksək texnologiyalar naziri Ramin Quluzadənin, professor və müəllimlərin, tələbələrin iştirak etdikləri tədbirdə ADNSU-nun rektoru, professor Mustafa Babanlı lazer başlıqlı robotlar, onların iş prinsipləri və funksiyaları haqqında ətraflı məlumat verib.

Eyni zamanda, laboratoriyada başlıqların iş prinsipi əyani nümayiş etdirilib. Yeyilmiş səthləri bərpa etmək üçün nəzərdə tutulan lazer başlıqlarının neft və yüngül sənayedə, eləcə də kənd təsərrüfatında avadanlığın bərpası üçün istifadə oluna biləcəyi bildirilib.

Xatırladaq ki, Lazer Mərkəzi ilk mərhələdə təhsil mərkəzi kimi fəaliyyət göstərərək tələbələrə bu sahədə biliklərin verilməsini nəzərdə tutur. Lazımi nəzəri baza və biliklərə yiyələndikdən sonra burada iqtisadiyyat və sənayenin müxtəlif sahələrində istifadə olunan avadanlığın təmiri və bərpasının həyata keçirilməsi, eyni zamanda, lazer başlıqlarının istehsalının təşkili nəzərdə tutulub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.