İQTİSADİYYAT


Azərbaycan Gürcüstan iqtisadiyyatına 146 milyon dollar investisiya yatırıb

A+ A

Tbilisi, 9 sentyabr, AZƏRTAC

Cari ilin ikinci yarısında Azərbaycan Gürcüstan iqtisadiyyatına 146 milyon ABŞ dolları həcmində birbaşa xarici investisiya yatırıb.

Gürcüstan Milli Statistika Ofisinin məlumatına görə, bu, ötən rüb qonşu ölkənin iqtisadiyyatına yatırılan məcmu investisiyanın 33 faizinə bərabərdir.

Bu göstərici ilə Azərbaycan Gürcüstan iqtisadiyyatına sərmayə qoyan ölkələr sırasında birinci yerdədir.

Azərbaycandan sonra ikinci yerdə 64 milyon dollarla (14%) Böyük Britaniya, üçüncü yerdə isə 36 milyon dollarla (8%) Çexiya qərarlaşıb.

Məlumatda bildirilir ki, ölkə iqtisadiyyatına ümumilikdə 445 milyon dollar xarici sərmayə yatırılıb. Bunun əsas hissəsi (39,33% və ya 175 milyon dollar) nəqliyyat və rabitə sektoruna yönəldilib.

Qeyd edək ki, bu ilin I rübündə Azərbaycan Gürcüstana 137 milyon dollar yatırıb.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.