İQTİSADİYYAT


Azərbaycan “İTB Berlin” beynəlxalq turizm sərgisində təmsil olunacaq

Bakı, 6 mart, AZƏRTAC

Mədəniyyət və turizm naziri Əbülfəs Qarayev martın 8-dən 12-dək “İTB Berlin” beynəlxalq turizm sərgisində iştirak edəcək.

Nazirlikdən AZƏRTAC-a bildirilib ki, martın 8-də beynəlxalq turizm sərgisi çərçivəsində Azərbaycan stendinin açılışı olacaq.

Səfər çərçivəsində Ə.Qarayevin Dünya Turizm Təşkilatının baş katibi Taleb Rifai, Almaniya Bundestaqının deputatı, parlamentin Cənubi Qafqaz Dostluq Qrupunun sədri Karin Ştrens, “İTB Berlin” sərgisinin rəhbəri David Rüts və Bundestaqın Turizm Komitəsinin sədri Hayke Bremerlə görüşləri nəzərdə tutulur.

Nazir, həmçinin martın 8-də “İTB Berlin” sərgisi çərçivəsində keçiriləcək İpək Yolu ölkələrinin Turizm Nazirlərinin 7-ci görüşündə və Cənubi Qafqazda alman məskənlərinin salınmasının 200 illik yubileyi ilə bağlı tədbirdə iştirak edəcək.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.