SİYASƏT


Azərbaycan-Livan əlaqələrinin inkişaf perspektivləri müzakirə edilib

Bakı, 10 avqust, AZƏRTAC

Avqustun 10-da Azərbaycanın Livandakı səfiri Ağasəlim Şükürov bu ölkənin Baş naziri Saadəddin Həriri ilə görüşüb.

Səfirlikdən AZƏRTAC-a bildiriblər ki, görüşdə ikitərəfli münasibətlər müzakirə olunub və əlaqələrin daha da genişləndirilməsinə ehtiyac duyulduğu vurğulanıb.

Əməkdaşlığın daha da inkişafı üçün Azərbaycan tərəfinin 2015-ci ildə Beyrutda səfirliyin açılması barədə qərar qəbul etdiyini deyən diplomat belə bir addımın Livan tərəfindən də atılacağının gözlənildiyini vurğulayıb.

Livanın Baş naziri ölkələrimiz arasında iqtisadi sahədə əlaqələrin, xüsusən turizm sahəsində əməkdaşlığın daha da gücləndirilməsində iki tərəfin maraqlı olduğunu diqqətə çatdırıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.