MƏDƏNİYYƏT


Azərbaycan Mərakeşdə keçirilən festivala şərəfli qonaq qismində dəvət edilib

Bakı, 16 may, AZƏRTAC

Mayın 12-dən 17-dək Mərakeş Krallığının Tetvan şəhərində Kral V Məhəmmədin himayədarlığı ilə keçirilən 19-cu Beynəlxalq Ud Festivalına Azərbaycan şərəfli qonaq qismində dəvət edilib.

Azərbaycanın Mərakeşdəki səfirliyindən AZƏRTAC-a bildiriblər ki, gözəl musiqi ifalarının təşviqi və tolerantlığın gücləndirilməsi üçün mədəni müxtəlifliyin nümayişi məqsədilə təşkil olunmuş festivalda Azərbaycanla yanaşı, Fransa, Fələstin, İraq, Misir, İordaniya, Mərakeş, Mali, Hindistan və Pakistandan musiqi ifaçıları çıxış edirlər.

Festivalın təntənəli açılış mərasimində ilk musiqiləri səsləndirmək şərəfi ölkəmizi təmsil edən Azərbaycan Musiqi Mədəniyyəti Dövlət Muzeyinin Qədim Musiqi Alətləri Ansamblının rübab ifaçısı Davud Abdullayevə verilib.

Davud Abdullayevin ifasında “Şur” və “Bayatı-Şiraz” muğamları üzərində qurulmuş kompozisiyalar mərakeşlilər tərəfindən rəğbətlə qarşılanıb. Rübab ifaçımıza festivalın xatirə mükafatı təqdim edilib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.