MƏDƏNİYYƏT


Azərbaycan Milli Konservatoriyasının rəsmi internet səhifəsi təqdim olunub

Bakı, 27 may, AZƏRTAC

Azərbaycan Milli Konservatoriyasının (AMK) müasir tələblərə cavab verən və geniş texniki imkanlara sahib www.conservatory.az rəsmi internet səhifəsi istifadəyə verilib.

AMK-nın mətbuat xidmətindən AZƏRTAC-a bildirilib ki, şöbənin müdiri Şəlalə Rzayeva səhifənin funksiyaları barədə ətraflı məlumat verib. Təqdimatda AMK-nın professor-müəllim heyəti və rektor Siyavuş Kərimi iştirak edib.

Azərbaycan, rus və ingilis dillərində fəaliyyət göstərən səhifə funksionallığı, sürətli keçidlər, sosial şəbəkələrə inteqrasiyası və daha rahat istifadə imkanları ilə fərqlənir.

Səhifədə AMK-nın nizamnaməsinə uyğun olaraq struktur, tədris, beynəlxalq əlaqələr, kitabxana və s. istiqamətləri üzrə zəruri məlumatlar verilməklə müvafiq bölmələr yaradılıb.

Səhifə vasitəsilə istifadəçilər tədrisdəki yeniliklər və şərtlərlə bağlı məlumatlarla dolğun şəkildə tanış ola bilərlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.