İQTİSADİYYAT
Azərbaycan Respublikasının Mərkəzi Bankı qısamüddətli notlarının yerləşdirilməsi üzrə hərrac keçirib
Bakı, 22 fevral, AZƏRTAC
Fevralın 22-də Bakı Fond Birjasında Azərbaycan Respublikasının Mərkəzi Bankının 50200853S saylı dövlət qeydiyyatından keçmiş ümumi həcmi - 50 milyon manat, bir notun nominal dəyəri - 100 manat, tədavül müddəti – 35 gün olan qısamüddətli notlarının yerləşdirilməsi üzrə hərrac təşkil olunub.
Bakı Fond Birjasından AZƏRTAC-a bildirilib ki, hərrac zamanı 4 investor tərəfindən 4 sifariş təqdim olunub. Sifarişlərin nominal üzrə ümumi məbləği 12,375,600.00 AZN təşkil edib.
Sifarişlər 98.5632 AZN (14.9939 faiz) və 99.7500 AZN (13.0198 faiz) qiymətində təqdim olunub.
Notların rəqabətli sifarişlər üzrə kəsmə qiyməti – 98.5632 AZN (14.9939 faiz), orta ölçülmüş qiyməti – 98.5789 AZN (14.8277 faiz), səviyyəsində Mərkəzi Bank tərəfindən müəyyən edilib.
Bağlanılmış əqdlər üzrə hesablaşmalar 22.02.2017 (t+0) tarixində həyata keçirilib. Notların nominal üzrə reallaşdırılmış həcmi 12,375,600.00 AZN manat məbləğində müəyyən edilib.
Notlar 2017-ci il martın 29-da ödəniləcək.