İQTİSADİYYAT


Azərbaycan Sahibkarlar Konfederasiyasının yeni komissiyasına sədr təyin edilib

A+ A

Bakı, 26 fevral, AZƏRTAC

Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının (ASK) rabitə, informasiya və kommunikasiya texnologiyaları adlı yeni komissiyasına sədr təyin edilib.

Konfederasiyadan AZƏRTAC-a verilən məlumata görə, “Neuron Technologies” şirkətinin rəhbəri İsmayıl Ələkbərov ASK-nın rabitə, informasiya və kommunikasiya texnologiyaları komissiyasının sədri təyin olunub. Sözügedən komissiya rabitə və İKT sahəsində fəaliyyət göstərən Azərbaycan şirkətlərinin maraqlarını təmsil edərək, bu sahədə özəl sektorun inkişafı, milli məhsulların xarici ölkələrdə təşviq edilməsi, qanunvericilik bazasının təkmilləşdirilməsi üçün təkliflərin hazırlanması istiqamətində fəaliyyət göstərəcək.

Komissiyanın sədri İ.Ələkbərov bildirib ki, Azərbaycanda rabitə, informasiya və kommunikasiya texnologiyalarının inkişafı üçün böyük potensial mövcuddur. Hazırda komissiyanın tərkibi formalaşdırılır və yaxın zamanda yeni üzvlərin iştirak edəcəyi ilk iclasın keçirilməsi nəzərdə tutulub.

O, həmçinin komissiyanın qarşısında duran vəzifələri açıqlayaraq, ölkəmizin rabitə və İKT sahəsində fəaliyyət göstərən şirkətlərinin maraqlarının əlaqələndirilmiş formada təmsil ediləcəyini, milli texnoloji yeniliklərin, proqram təminatı və sistem inteqrasiyası həllərinin xarici ölkələrə ixracının təşviq ediləcəyini bildirib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.