CƏMİYYƏT


Azərbaycan Texniki Universitetində yazıçı Elxan Elatlı ilə görüş keçirilib

A+ A

Bakı, 19 oktyabr, AZƏRTAC

Azərbaycan Texniki Universitetində (AzTU) yazıçı, şair, Azərbaycan Yazıçılar Birliyinin üzvü, “Qızıl qələm” mükafatı laureatı Elxan Elatlı ilə görüş keçirilib.

AzTU-dan AZƏRTAC-a bildiriblər ki, universitetin tərbiyə işləri üzrə prorektoru İsa Xəlilov bu görüşün gənclərin E.Elatlı yaradıcılığına olan marağından irəli gəldiyini qeyd edib.

E.Elatlı tələbə gənclərlə görüşdən məmnunluğunu bildirib, öz həyat və yaradıcılığı barədə onlara məlumat verib. Ali təhsilinin texniki sahəyə aid olduğunu bildirən ədib “Düşün bir az” (məntiqi riyaziyyat məsələləri), “Maraqlı məntiq məsələləri” əsərlərinin mövzusunun məhz ixtisası olan riyaziyyata marağından yarandığını bildirib.

Yazıçı gənclərə romanlarında mütəmadi toxunduğu Qarabağ həqiqətləri, qəhrəmanlar və Azərbaycanın şanlı tarixindən danışıb.

Sonda qonağa “Universitetin fəxri qonağı” diplomu təqdim olunub.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.