SİYASƏT


Azərbaycan-Türkiyə münasibətləri yüksək səviyyədədir

A+ A

İstanbul, 29 iyul, AZƏRTAC 

Azərbaycan Respublikasının İstanbuldakı baş konsulu Məsim Hacıyev İstanbulun Sarıyer rayon bələdiyyəsinin sədri Şükrü Gənç ilə görüşüb.

Sarıyer bələdiyyəsində keçirilən tanışlıq xarakterli görüşdə Azərbaycan-Türkiyə münasibətlərinin hazırkı vəziyyəti yüksək dəyərləndirilib.

M.Hacıyev diqqətə çatdırıb ki, Sarıyerdə Azərbaycan xalqının ümummilli lideri Heydər Əliyev Parkının olması və burada Ulu Öndərimizin heykəlinin ucaldılması Türkiyənin Azərbaycan xalqına olan tükənməz ehtiramının nümunəsidir.

Azərbaycanın baş konsuluna Türkiyədəki fəaliyyətində uğurlar arzu edən bələdiyyə sədri diqqətə çatdırıb ki, Heydər Əliyev Parkı Sarıyerin ən səfalı yerlərindən birində, İstanbul boğazı sahilində yerləşir. İnsanlar bu gözəl parkda asudə vaxtlarını keçirməkdən məmnunluq duyurlar.

Sabir Şahtaxtı

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.