MƏDƏNİYYƏT


Azərbaycan UNESCO-nun festivalında təmsil olunacaq

Bakı, 8 iyul, AZƏRTAC

UNESCO-nun Litvada keçirdiyi festivalda Azərbaycanı xanəndə Könül Məmmədli, Ədalət Behbudov (tar) və Pərviz Fərhadov (kamança) təmsil edəcəklər. Təmsilçilərimiz iyulun 12-də yola düşəcəklər.

Bu barədə AZƏRTAC-a Pərviz Fərhadov məlumat verib.

Festival iyulun 13-dən 16-dək davam edəcək. Festivalda Azərbaycan, Bolqarıstan, Estoniya, Gürcüstan, İspaniya, Xorvatiya, Latviya, Litva, Makedoniya və Ukrayna təmsilçiləri iştirak edəcəklər.

Qeyd edək ki, xanəndə Könül Məmmədli muğam televiziya müsabiqəsinin laureatı, həmçinin Azərbaycan Milli Konservatoriyasının tələbəsidir. Ədalət Behbudov respublika və beynəlxalq müsabiqələr qalibidir. Hazırda Bakı Humanitar Kollecində müəllim vəzifəsində çalışır. Pərviz Fərhadov da respublika və beynəlxalq müsabiqələr qalibidir. Hazırda Azərbaycan Milli Konservatoriyasının və Respublika İncəsənət Gimnaziyasının müəllimidir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.