İDMAN


Azərbaycan XV Paralimpiya Oyunlarının üç lisenziyasından imtina edib

A+ A

Bakı, 7 sentyabr, AZƏRTAC 

İdman Arbitraj Məhkəməsinin qərarına əsasən, Beynəlxalq Olimpiya Komitəsi tərəfindən rusiyalı paralimpiyaçıların lisenziyalarının alınaraq digər ölkələrə paylanılması və Azərbaycana da üç lisenziyanın verilməsi Azərbaycan Milli Paralimpiya Komitəsi, həmçinin Gənclər və İdman Nazirliyi tərəfindən müsbət qarşılanmayıb və lisenziyalar qəbul edilməyib.

Gənclər və İdman Nazirliyinin mətbuat xidmətindən AZƏRTAC-a bildiriblər ki, rusiyalı paralimpiyaçıların sentyabrın 7-də start götürən Paralimpiya Oyunlarına buraxılmaması barədə qərarın dəyişməz olaraq qaldığını nəzər alan Azərbaycan tərəfi rəsmən üç lisenziyadan imtina edib. Azərbaycan bu mötəbər yarışda paralimpiyaçılarımızın özlərinin qazandıqları lisenziyalar əsasında təmsil olunacaq.

“Rio-2016” XV Paralimpiya Oyunlarında 24 paralimpiyaçımız idmanın 6 növü üzrə 41 lisenziya qazanıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.