MƏDƏNİYYƏT


Azərbaycan aşıqları Qarsda keçiriləcək mədəniyyət festivalında iştirak edəcəklər

A+ A

Bakı, 19 sentyabr, AZƏRTAC 

Sentyabrın 24-25-də Türkiyənin Qars şəhərində Dünya Qarapapaq Türkləri Birliyinin – KARPAT-ın təşkilatçılığı ilə Türk Dünyası Mədəniyyət Festivalı keçiriləcək. Tədbirdə Azərbaycan Aşıqlar Birliyinin (AAB) nümayəndələri iştirak edəcəklər.

Qurumun katibi, Əməkdar Mədəniyyət İşçisi Musa Nəbioğlu AZƏRTAC-a bildirib ki, festivala dünyanın bir çox ölkələrində yaşayan qarapapaq türklərinin tanınmış elm və sənət adamları qatılacaq.

Bu möhtəşəm tədbirdə Azərbaycan Aşıqlar Birliyinin sədri, Əməkdar Elm Xadimi Məhərrəm Qasımlı, qurumun katibi Musa Nəbioğlu və Əməkdar Mədəniyyət İşçisi, aşıq Gülarə Azaflının rəhbərlik etdiyi “Çeşmə” qrupu təmsil olunacaq. Tədbirdə “Çeşmə” qrupu xüsusi repertuarla çıxış edəcək.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.