İDMAN


Azərbaycan atleti “Bakı-2017”də gümüş medala sahib olub

Bakı, 17 may, AZƏRTAC

Bakı Olimpiya Stadionunda IV İslam Həmrəyliyi Oyunlarının atletika yarışları davam edir.

AZƏRTAC xəbər verir ki, kişilər arasında 110 metr məsafəyə maneələrlə qaçış üzrə yarışında finalında təmsilçimiz Rahib Məmmədov gümüş medala layiq görülüb. O, bu məsafəni 14,18 saniyəyə qət edib. Qızıl medalı Səudiyyə Ərəbistanı idmançısı Ahmed Almuvallad, bürünc medalı isə iraqlı Mohammed Sad Al-Xfaci əldə ediblər.

Hazırda kişilər arasında F56 kateqoriyasında lövhəatma və qadınlar arasında şüvüllə tullanma yarışlarının finalı keçirilir. Lövhə atmada ölkəmizi Oloxan Musayev, şüvüllə tullanmada isə Yelena Qladkova təmsil edirlər.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.