İDMAN


Azərbaycan boksçusu Cavid Çələbiyev Avropa  çempionatının səkkizdəbir final mərhələsinə yüksəlib

Bakı, 19 iyun, AZƏRTAC 

Ukraynanın Xarkov şəhərində kişi boksçular arasında Avropa çempionatı davam edir. Yarışın üçüncü günündə Azərbaycan millisinin 2 üzvü rinqə çıxıb.

AZƏRTAC xəbər verir ki, 60 kiloqram çəki dərəcəsində mübarizə aparan Cavid Çələbiyev 1/16 final mərhələsi çərçivəsində keçirilən döyüşdə Litva təmsilçisi Edqaras Skurdelislə üz-üzə gəlib. Qarşılaşma dünya çempionumuzun qələbəsi ilə yekunlaşıb. C.Çələbiyev rəqibini 4:1 hesabı ilə məğlub edib.

O, səkkizdəbir finalda fransalı Sofian Oumiha ilə gücünü yoxlayacaq. Görüş iyunun 20-də baş tutacaq.

Cavid Çələbiyevdən fərqli, Eldar Quliyevin (81 kq) debütü uğurlu alınmayıb. Səkkizdəbir finala gedən yolda rusiyalı Müslim Hacımaqomedovla qarşılaşan gənc boksçumuz 0:5 hesabı ilə məğlub olub.

Daha bir təmsilçimiz - Kamran Şahsuvarlının (75 kq) da ilk rəqibi bilinib. Birinci mərhələdən azad olan Olimpiya mükafatçımız səkkizdəbir finalda İrlandiya boksçusu Emmet Brennanla mübarizə aparacaq. Onun rəqibi polşalı Bartoş Qolebiyevskiyə qalib gəlib – 3:2.

Kamran Şahsuvarlı Brennan ilə iyunun 20-də qüvvəsini sınayacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.