MƏDƏNİYYƏT


Azərbaycan ədəbiyyatı klassiklərinin yaradıcılığına həsr olunmuş yeni layihəsinin icrasına başlanılır

A+ A

Bakı, 30 noyabr, AZƏRTAC

Mədəniyyət və Turizm Nazirliyinin təşkilatçılığı ilə M.F.Axundzadə adına Milli Kitabxana Beynəlxalq Muğam Mərkəzi ilə birgə Azərbaycan ədəbiyyatının klassiklərinin yaradıcılığına həsr olunmuş silsilə ədəbi-bədii musiqili məclislərin təşkili layihəsinin icrasına başlayır.

Nazirlikdən AZƏRTAC-a bildirilib ki, bu silsilədən ilk tədbir klassik Azərbaycan poeziyasının “günəşi” Məhəmməd Füzulinin yaradıcılığına həsr olunacaq. Poeziya və musiqinin vəhdətindən ibarət tədbirdə klassik ədəbiyyatımızın görkəmli tədqiqatçıları akademik Teymur Kərimli, AMEA-nın müxbir üzvü Nizami Cəfərov, professor Buludxan Xəlilov və digər füzulişünas alimlərin çıxışları dinləniləcək, görkəmli aktyorların ifasında Füzuli şeirləri səslənəcək və məclis boyu tanınmış müğənnilərin ifasında şairin qəzəlləri oxunacaq.

Ədəbi-bədii musiqili məclisin ilk tədbiri dekabrın 2-də Azərbaycan Milli Kitabxanasında keçiriləcək.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.