CƏMİYYƏT


Azərbaycan ərazisində hansı vəhşi heyvan və quşların ovuna icazə verilir?

A+ A

Bakı, 12 iyul, AZƏRTAC

Azərbaycan Respublikası ərazisində 2016-2017-ci illər üzrə ov mövsümünün başlanması ilə bağlı vəhşi heyvanların və quşların ovlanmasının müddətləri və normaları, ov icazələrinin bölgü cədvəlləri hazırlanıb.

Ekologiya və Təbii Sərvətlər Nazirliyindən AZƏRTAC-a bildirilib ki, respublika ərazisində Dağıstan turunun (təkə), qabanın, dovşanın, bataqlıq qunduzunun (nutriya), cüllütün (ağquyruq, çökükburun, qırqıldayan cüllüt, kiçik kroşnep və çöl haçaquyruq cüllütü istisna olmaqla), qazın (ağqaş və qırmızıdöş qaz istisna olmaqla), ördəyin (ağgöz qara ördək, göydimdik və mərmər cürə istisna olmaqla) və qaşqaldağın ovlanmasına icazə verilir.

Dağıstan turu bu il iyunun 18-dən oktyabrın 15-dək, qaban sentyabrın 17-dən dekabrın 17-nə kimi, dovşan isə 2016-cı il noyabrın 12-dən 2017-ci il yanvarın 14-dək ovlana bilər. Bataqlıq qunduzunu oktyabrın 8-dən gələn il fevralın 18-nə qədər volyerlərdə saxlamaq üçün ovlamaq olar.

Cüllütün ovu bu il sentyabrın 17-dən noyabrın 12-dək, qazın, ördəyin və qaşqaldağın ovu isə 2016-cı il oktyabrın 15-dən 2017-ci il martın 11-nə kimi mümkündür.

Bununla əlaqədar vətəndaşları maraqlandıran əlavə məlumatların alınması və ov icazələrinin əldə edilməsi üçün aidiyyəti üzrə ərazi ekologiya və təbii sərvətlər şöbələrinə müraciət oluna bilər.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.