İDMAN


Azərbaycan güləşçiləri “Qızıl Qran-pri” beynəlxalq turnirini 7 qızıl, 3 gümüş və 7 bürünc medalla başa vurublar

A+ A

Bakı, 28 noyabr, AZƏRTAC 

Bakıda ümummilli lider Heydər Əliyevin xatirəsinə həsr olunmuş “Qızıl Qran-pri” beynəlxalq turnirinin final mərhələsini güləşçilərimiz 7 qızıl, 3 gümüş və 7 bürünc medalla başa vurublar.

AZƏRTAC xəbər verir ki, yunan-Roma güləşçilərimiz 4 qızıl, 1 gümüş və 2 bürünc medal qazanıblar. Qızıl mükafatlara Həsən Əliyev (71 kq), Rafiq Hüseynov (80 kq), İslam Abbasov (85 kq) və Oyan Nəzəriani (130 kq) sahib olublar. Yalnız final görüşündə uduzan Elvin Mürsəliyev (75 kq) gümüş medalla kifayətlənib. Bürünc medallar isə Rövşən Tağıyev (66 kq) və Soltan İsmayılovun (85 kq) payına düşüb.

Qadın güləşçilərimiz yarışı 1 gümüş və 2 bürünc medalla tamamlayıblar. Təmsilçilərimizdən Tatyana Omelçenko (60 kq) finala qədər inamla güləşib. Ancaq final görüşündə Ukrayna təmsilçisinə uduzub və gümüş medalla kifayətlənib. Bürünc medalları yığmamıza Anjela Doroqan (53 kq) və Alyona Kolesnik (55 kq) qazandırıblar.

Baş məşqçi əvəzi Firdovsi Umudovun rəhbərliyi altında məşqçilər korpusunun daha çox gənc sərbəst güləşçilərə şans verdiyi yarışı yığmamız 3 qızıl, 1 gümüş və 3 bürünc medalla başa vurub. Qızıl medalları yığmamıza Giorgi Edişeraşvili (57 kq), Əhmədnəbi Qvarzatilov (61 kq) və Cəbrayıl Həsənov (74 kq) qazandırıblar. Yalnız final görüşündə uduzan Gitinomaqomed Hacıyev (70 kq) gümüş medalla kifayətlənib. Bürünc medallara isə Coşqun Əzimov (65 kq), Murad Süleymanov (74 kq) və Aslanbek Alborov (97 kq) sahib olublar.

Beynəlxalq turnirin rəsmi media tərəfdaşı AZƏRTAC olub.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.