ELM VƏ TƏHSİL


Azərbaycan ilə Gürcüstan arasında təhsil sahəsində əməkdaşlığın perspektivləri müzakirə olunub

Tbilisi, 26 dekabr, AZƏRTAC

Azərbaycanın Batumi şəhərindəki baş konsulu Rəşad İsmayılov dekabrın 26-da Acarıstan Muxtar Respublikasının təhsil, mədəniyyət və idman naziri İnqa Şamilişvili ilə görüşüb.

Baş konsulluqdan AZƏRTAC-a bildiriblər ki, diplomat xanım İ.Şamilişvilini nazir təyin olunması münasibətilə təbrik edib.

Görüşdə Azərbaycan ilə Gürcüstan arasında təhsil sahəsində əməkdaşlığın perspektivləri müzakirə olunub. İkitərəfli münasibətlərin genişləndirilməsi üçün böyük potensialın olduğu bildirilib.

Baş konsul Prezident İlham Əliyevin Azərbaycanda elmin və təhsilin inkişafına böyük önəm verdiyini bildirib, təhsil sahəsində əməkdaşlığın inkişafı üçün qarşılıqlı səylərin artırılmasının vacibliyini qeyd edib.

Rəşad İsmayılov cari ilin aprelində Batumi şəhərində Azərbaycan Memarlıq və İnşaat Universiteti ilə Şota Rustaveli adına Batumi Dövlət Universiteti arasında əməkdaşlıq haqqında Anlaşma Memorandumunu imzalandığını xatırladıb, bu mübadilələrin gələcəkdə daha da inkişaf etdirilməsinin vacibliyini vurğulayıb.

Nazir İnqa Şamilişvili Azərbaycan ilə təhsil sahəsində əməkdaşlığın inkişafında maraqlı olduqlarını qeyd edib. O, ölkələrimiz arasında təhsil sahəsində münasibətlərin genişləndirilməsi üçün müvafiq tədbirlərin həyata keçirilməsinin və təmasların artırılmasının əhəmiyyətini vurğulayıb.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.