İDMAN


Azərbaycan karateçisi Fəridə Əliyeva gümüş medalla kifayətlənib

Bakı, 14 may, Nihad Budaqov, AZƏRTAC

IV İslam Həmrəyliyi Oyunlarında karatenin kumite yarışlarında Azərbaycan idmançısı Fəridə Əliyeva (+68 kq) gümüş medala yiyələnib.

AZƏRTAC xəbər verir ki, idmançımız finalda türkiyəli Meltem Hocaoğluna 2:6 hesabı ilə məğlub olub. F.Əliyeva karateçilərimizin aktivinə ikinci gümüş medalı yazdırıb.

Bürünc medalları isə Əlcəzair təmsilçisi Atif İmene və iranlı Mohadaseh Aghaei qazanıblar.

Yarışa dörddəbir finaldan qoşulan F.Əliyeva rəqibi əlcəzairli Atif İmeneni məğlub edib. Karateçimiz yarımfinalda pakistanlı Nargis Nargisdən 1:0 hesabla üstün olub.

Xatırladaq ki, Fəridə Əliyeva gənclər arasında dünya çempionatının bürünc medalçısıdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.