ELM VƏ TƏHSİL


Azərbaycan kitabşünaslıq elmində yenilik

Bakı, 14 iyun, AZƏRTAC

İyunun 14-də AMEA-nın Məhəmməd Füzuli adına Əlyazmalar İnstitutunda kitabşünaslıq və biblioqrafiyaşünaslıq, şəxsi arxivlərin tədqiqi şöbələrinin birgə iclasında Azərbaycan elmi üçün yeni və çox aktual olan bir mövzuda dissertasiya işinin ilkin müzakirəsi keçirilib. Müzakirəyə təqdim olunan dissertasiya işinin mövzusu “Kitabxanalarda bibliometriya: mövcud vəziyyəti və inkişaf perspektivləri” adlanır.

İnstitutdan AZƏRTAC-a bildirilib ki, bu tədqiqat işi sənəd bazasından asılı olmayaraq ölkəmizdəki bütün kitabxanaların, arxivlərin və informasiya resurslarının işinin təhlili üçün bir elmi ölçü meyarı təqdim edir.

Əlyazmalar İnstitutunun elmi işlər üzrə direktor müavini Aybəniz Əliyeva-Kəngərli və Bakı Dövlət Universitetinin dosenti Nadir İsmayılovun elmi rəhbərliyi altında yerinə yetirilən dissertasiya işində elmimiz tarixində ilk dəfə kitabxanalarda sənəd axınının bibliometrik tədqiqi həyata keçirilir. Kitabxanalardakı materiallardan istifadənin ölçülməsi meyarları müəyyənləşdirilib və bunun yeni bir elmi istiqamət olduğu sübuta yetirilib.

Dissertasiya işində kitabxana-informasiya sferasında sosial mühitə adaptasiya olmağın daha effektiv və optimal üsulları təklif edilir, milli informasiya təhlili strategiyasının kitabxana-informasiya sisteminə tətbiqi məsələləri diqqət mərkəzinə çəkilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.