İDMAN


Azərbaycan millisi dünya çempionatının seçmə mərhələsində ikinci qələbəsini qazanıb [YENİLƏNİB] VİDEO

A+ A

Bakı, 8 oktyabr, AZƏRTAC

Oktyabrın 8-də futbol üzrə 2018-ci ildə keçiriləcək dünya çempionatının seçmə mərhələsi çərçivəsində Bakı Olimpiya Stadionunda Azərbaycan və Norveç milli komandaları qarşılaşıb.

AZƏRTAC xəbər verir ki, Azərbaycan millisinin start heyətində Kamran Ağayev, Maksim Medvedev, Rəşad Sadıqov, Maqomed Mirzabekov, Arif Daşdəmirov, Qara Qarayev, Rahid Əmirquliyev, Eddi İsrafilov, Ruslan Qurbanov, Dmitri Nazarov və Ağabala Ramazanov meydana çıxıblar.

Norveçin ilk on birliyində isə Rune Yarsteyn, Yunas Svensson, Even Havlann, Stefan Strannberq, Haytam Alisami, Per-Silyan Şelbred, Ole-Kristian Selnes, Pol-Andre Hellann, Markus Henriksen, Adama Domande və Coşua Kinq yer alıblar.

İsrailli baş hakim Liran Lianinin idarə etdiyi oyunun 11-ci dəqiqəsində millimizin futbolçusu Maksim Medvedev hesabı açıb. Qarşılıqlı hücumlar şəraitində keçən görüşün ilk hissəsi yığmamızın minimal üstünlüyü ilə yekunlaşıb – 1:0.

Görüşün ikinci hissəsinə də fəal başlayan millimiz rəqib qapısı qarşısında təhlükəli məqamlar yaratsa da, top qapıdan keçməyib.

Beləliklə, görüş millimizin 1:0 hesablı qələbəsi ilə yekunlaşıb.

Komandamız növbəti oyununu oktyabrın 11-də səfərdə Çexiya yığmasına qarşı keçirəcək.

Milli komandamız seçmə mərhələdə ilk görüşündə San Marino yığması ilə qarşılaşıb və 1:0 hesabı ilə qalib gəlib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.