İDMAN


Azərbaycan millisi medalların sayına görə AIBA-nın siyahısında ilk onluqda yer alıb

Bakı, 10 avqust, AZƏRTAC 

Beynəlxalq Həvəskar Boks Assosiasiyası (AIBA) Hamburqda keçiriləcək dünya çempionatı ərəfəsində mundiallarda ən çox medal qazanan ölkələrin siyahısını dərc edib.

Bu barədə AZƏRTAC-a Azərbaycan Boks Federasiyasından məlumat verilib.

1974-cü ildən təşkil olunan və 18 dəfə baş tutan yarışın tarixində ən çox mükafata yiyələnən 10 millinin adı açıqlanıb.

Azərbaycan yığması da bu reytinq cədvəldə yer alıb. Müstəqillik əldə etdikdən sonra mundiallarda çıxış edən komandamız arxada qalan çempionatlarda ümumilikdə 17 medal qazanıb. Bunlardan 5-i qızıl, 4-ü gümüş və 8-i bürüncdür. Millimiz bu göstəricidə dünyanın 10-cusudur.

Cədvələ Kuba başçılıq edir – 128 medal (71 qızıl, 32 gümüş, 25 bürünc). Rusiyanı SSRİ yığmasının varisi kimi tanıyan AIBA onun göstəricisini ümumiləşdirib. Bu səbəbdən də şimal qonşumuz 107 mükafatla (38-32-37) ikincidir. İlk üçlüyü hesabında 41 medal (16-9-16) olan ABŞ qapayır.

Onluqda Qazaxıstan, Bolqarıstan, Rumıniya, İtaliya, Ukrayna və Özbəkistan yığmaları da yer alıblar.

Qeyd edək ki, sayca 19-cu dünya çempionatı avqustun 25-də start götürəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.