CƏMİYYƏT


Azərbaycan nümayəndə heyəti Strasburqda internet təhlükəsizliyi ilə bağlı beynəlxalq konfransda iştirak edir

A+ A

Bakı, 9 sentyabr, AZƏRTAC

Sentyabrın 9-da Fransanın Strasburq şəhərində “İnternet azadlığı - Avropadakı demokratik təhlükəsizliyin daimi faktoru kimi” mövzusunda beynəlxalq konfrans öz işinə başlayıb. Avropa Şurası Nazirlər Komitəsinə hazırda sədrlik edən Estoniyanın və ATƏT-ə bu il sədrlik edən Almaniyanın, o cümlədən Avropa Şurasının birgə təşkilatçılığı ilə baş tutan konfransda dünyanın bir sıra aparıcı ölkələrindən çoxlu sayda mütəxəssis, ekspert və rəsmi nümayəndə iştirak edir.

Beynəlxalq konfransda Azərbaycanı Prezident Administrasiyasının ictimai-siyasi məsələlər şöbəsinin baş məsləhətçisi Ceyran Əmiraslanova, Rabitə və Yüksək Texnologiyalar Nazirliyinin hüquq şöbəsinin baş məsləhətçisi Bəxtiyar Məmmədov və beynəlxalq əməkdaşlıq şöbəsinin məsləhətçisi Xəyalə Paşazadə, o cümlədən Azərbaycan Jurnalistlər Şəbəkəsinin sədri Ayaz Mirzəyevdən ibarət nümayəndə heyəti təmsil edir.

Tədbirin məqsədi fundamental azadlıqlardan onlayn şəkildə bəhrələnmək, internet azadlığı üzrə birgə öhdəliyin təşviqi üçün iştirakçıları bir araya gətirmək, səmərəli implementasiya üçün ən yaxşı təcrübələri müəyyənləşdirməkdən ibarətdir.

Konfransda Avropa Şurasının baş katibi Törbyorn Yaqland, ATƏT-in kütləvi informasiya vasitələri azadlığı üzrə nümayəndəsi Dünya Miyatoviç və digərləri çıxış edərək internetin imkanları, onun səmərəli tərəfləri və mənfi təsirləri haqqında fikirlərini bildiriblər. Bununla yanaşı, media sahəsində çalışanlara internetin mütəmadi yenilənən imkanlarından daha səmərəli istifadə etməyi tövsiyə ediblər.

Tədbir iştirakçıları ilə birbaşa ünsiyyət qurmaq imkanı qazanan Azərbaycan nümayəndə heyətinin üzvləri isə onlara Azərbaycanda internetin səviyyəsi və ondan istifadə olunması imkanları haqqında ətraflı məlumat veriblər. Bildirilib ki, son 10 ildə Azərbaycanda internet resursları sürətli inkişaf yolu keçib və ölkəmizdə internetə çıxışa və ondan istifadəyə heç bir məhdudiyyət qoyulmur. İfadə azadlığı, plüralizm və cəmiyyətin inkişafı üçün vacib olan digər şərtlər obyektiv məlumatın əldə edilməsində mühüm amil olduğundan media, vətəndaş cəmiyyətinin inkişafında və demokratik sistemlərin tərəqqisində internetdən və sosial şəbəkələrdən lazımınca istifadə vacibdir. Azərbaycanda internet azadlığı təmin olunub, insanlar internetdən azad şəkildə istifadə edirlər, sosial şəbəkələrə heç bir məhdudiyyət yoxdur.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.