İDMAN


Azərbaycan paralimpiyaçıları “Rio-2016” Oyunlarına əlavə 3 lisenziya əldə edib

A+ A

Bakı, 24 avqust, AZƏRTAC 

Rusiya idmançılarının “Rio-2016” Paralimpiya Oyunlarından kənarlaşdırılması Azərbaycana əlavə lisenziyalar qazandırıb.

Paralimpiya Komitəsindən AZƏRTAC-a bildirilib ki, daha 3 paralimpiyaçımız Braziliyaya yola düşəcək.

Belə ki, İdman Arbitraj Məhkəməsinin Rusiyanın əleyhinə çıxardığı qərardan sonra Beynəlxalq Paralimpiya Komitəsi onların 267 lisenziyasını digər ölkələr arasında bölüb.

Azərbaycan Paralimpiya Komitəsinin prezidenti İlqar Rəhimov bildirib ki, “Rio-2016” üçün lisenziyalarımızın sayında dəyişiklik edilib və komandamızın heyətinə daxil olacaq təmsilçilərimizin adları açıqlanıb. Onun sözlərinə görə, “London-2012”nin qalibi Afaq Sultanova, həmçinin Ramin Əliyev (hər ikisi cüdo) və Hüseyn Hüseynov (atletika) artıq səfərə yollanacaq heyətə daxil ediliblər.

Bununla da, Paralimpiadada çıxış edəcək təmsilçilərimizin sayı 27-yə yüksəlib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.