SİYASƏT


Azərbaycan parlamentariləri Malayziyaya səfər edəcəklər

A+ A

Bakı, 9 noyabr, AZƏRTAC

Milli Məclisin deputatları, Malayziya ilə parlamentlərarası əlaqələr üzrə işçi qrupun rəhbəri Mahir Aslanov və qrupun üzvü Mirkazım Kazımov noyabrın 9-da bu ölkənin paytaxtı Kuala Lumpur şəhərinə səfər edəcəklər. Bu barədə AZƏRTAC-a parlamentin mətbuat xidmətindən məlumat verilib.

Səfər Malayziya parlamentinin Nümayəndələr Palatasının vitse-spikeri, Azərbaycanla dostluq qrupunun rəhbəri Datuk Seri Roland Kiandeenin dəvəti ilə həyata keçirilir.

Deputatlar ölkənin qanunverici orqanının fəaliyyəti ilə tanış olacaq, qəbul olunan qanunlarla maraqlanacaq, parlamentin rəhbərliyi və malayziyalı həmkarları ilə bir sıra görüşlər keçirəcəklər. Tərəflər qarşılıqlı əməkdaşlığın genişləndirilməsi, təcrübə və informasiya mübadiləsi ilə bağlı məsələləri müzakirə edəcəklər.

Səfər noyabrın 14-də başa çatacaq.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.