ELM VƏ TEXNOLOGİYA


“Azərbaycan qadın geyim bəzəkləri” kitab-albomu çapdan çıxıb

A+ A

Bakı, 10 noyabr, AZƏRTAC

“Azərbaycan qadın geyim bəzəkləri” kitab-albomu nəşr olunub.

Azərbaycan Milli Elmlər Akademiyasının Milli Azərbaycan Tarixi Muzeyindən AZƏRTAC-a bildiriblər ki, kitab-albomun müəllifi muzeyin etnoqrafiya elmi fond şöbəsinin müdiri Gülzadə Abdulova, redaktoru bu elm müəssisəsinin direktoru, akademik Nailə Vəlixanlıdır.

Kitab-albomda ənənəvi xalq geyimlərinin tərkib hissəsi olan qadın geyimlərinin bəzədilməsində istifadə edilən elementlərin təsnifatı və onlar haqqında qısa məlumatlar verilib. Kitab-albom “Baş bəzəkləri”, “Düymə və piləklər”, “Ətəklik, yaxalıq və əlcəklər”, “Sancaqlar”, “Kəmərlər”, “Ayaq geyim bəzəkləri”, “Toxuma bəzəklər”, “Tikmələr” adlı bölmələrdən ibarətdir.

Nəşrə daxil edilən materiallar muzeyin fondlarında qorunur. Kitab-albomdakı mətnlər Azərbaycan və ingilis dillərində verilib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.