İQTİSADİYYAT


Azərbaycan sahibkarları Koreyada dəniz məhsulları və balıqçılıq sərgisinə dəvət olunurlar

A+ A

Bakı, 8 oktyabr, AZƏRTAC

Oktyabrın 27-29-da Koreya Respublikasının Busan şəhərində "XIV Busan Beynəlxalq Dəniz Məhsulları və Balıqçılıq" sərgisinin keçirilməsi nəzərdə tutulur. Azərbaycanda fəaliyyət göstərən sahibkarlar və iş adamları sərgidə iştiraka dəvət olunurlar.

Azərbaycanda İxracın və İnvestisiyaların Təşviqi Fondundan (AZPROMO) AZƏRTAC-a bildiriblər ki, sərgidə 30 ölkədən olan 400 şirkət nümayəndəsinin 500-dən çox məhsulu nümayiş etdirməsi planlaşdırılır.

Qeyd edək ki, sərgi 13 ildir mütəmadi olaraq keçirilir və Koreyanın dəniz məhsulları üzrə ən böyük ticarət sərgisidir. 2015-ci ildə keçirilmiş eyni adlı sərgi 26 ölkədən (ABŞ, Kanada, Böyük Britaniya, Niderland, Portuqaliya, Rumıniya, Rusiya, Argentina, Çin, Yaponiya, Hindistan və sair) olan 396 şirkət nümayəndəsini və 823 eksponenti əhatə edib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.