İDMAN


Azərbaycan şahmatçıları Türkiyədə liderlik edirlər

Bakı, 5 iyul, AZƏRTAC

Ankarada Başkent Tibb Universitetinin şahmat üzrə beynəlxalq turniri keçirilir.

AZƏRTAC xəbər verir ki, turnirdə 7 ölkədən 173 şahmatçı, o cümlədən 11 qrossmeyster iştirak edir. İsveçrə sistemi üzrə keçirilən turnir 9 turdan ibarətdir.

Azərbaycanı bu turnirdə qrossmeysterlər Fərid Abbasov, Vüqar Rəsulov, Ürfan Sevdimalıyev, beynəlxalq dərəcəli usta Ülvi Sadıxov, FIDE ustası Şəhriyar Rəhmanov, habelə Elnur Əliyev, Sadiq Məmmədov və Ramil Cavadov təmsil edirlər.

Altı turdan sonra 5,5 xal toplamış Fərid Abbasov və özbək Curabek Xamrakulov hamıdan irəlidədir. Azərbaycan şahmatçılarından Ülvi Sadıxov onlardan yarım xal, Ürfan Sevdimalıyev və Vüqar Rəsulov 1 xal, Şəhriyar Rəhmanov, Ramil Cavadov və Elnur Əliyev 1,5 xal geridədir.

Beynəlxalq turnir iyulun 6-da başa çatacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.